एकवीहीं सदीअ जो अंधेरु! / अमुल चैनलाल आहूजा 'रहिमी'

केरु थो चवे
ॿापूअ जो क़ातिल मरी वयो आ!
ही श्रीलंका
हीउ पंजाब या
ॼमूं ऐं कश्मीर
किथे बि न को फ़ेरु आ!
गांधीअ जो खू़नी
हरहंध जो ख़ूनी
हरहंध जन्म वठी रहियो आ
चहिरे जो ई सिर्फ फ़ेरु आ
जित किथ ज़ाहिर ई ज़हिरु आ
निर्दोष थियन क़तल पिया
खू़नीन जो खै़रु आ
केरु थो चवे
ॿापूअ जो कातिल मरी वयो आ
हू त
हरहंध हर पल जन्म वठी रहियो आहे
ही त
एकवीहीं सदीअ जो अंधेरु आहे!!