भारत की संस्कृति के लिए... भाषा की उन्नति के लिए... साहित्य के प्रसार के लिए
एक ई ओळी / सांवर दइया
Kavita Kosh से
फूल सगै बतळावतै भंवरै नै देख
सोध्यो म्हैं अरथ एक
डाळ माथै
गटर गूं-गटर गूं सुणी
पुख्ता हुयो अरथ सागी
अबै म्हारै सामैं
चांद है…… बादळ है
चूड़ियां री खणक है
काजळ है
टीकी है
आ रुत
रूड़ी-रूपाळी-नीकी है
सुगनां सूं ई बकार देखो भलांई
उथळो सागी-
अबार नईं
अठै नईं
इंयां नईं
बिंयां नईं…
जाणै रिकार्ड माथै
अटक्योड़ी हुवै सुई
अर बाजै एक ई ओळी
अबार नईं…
अठै नईं…
इंयां नईं…
बिंयां नईं…
