भारत की संस्कृति के लिए... भाषा की उन्नति के लिए... साहित्य के प्रसार के लिए
एक एक लोगोॅ केरोॅ पीछू लागलोॅ ईश्वर कत्तेॅ छै / अमरेन्द्र
Kavita Kosh से
एक एक लोगोॅ केरोॅ पीछू लागलोॅ ईश्वर कत्तेॅ छै
लोगोॅ केॅ घर एक मिलै नै देखोॅ मंदिर कत्तेॅ छै
दिल के बस्ती मिललै हमरा एकेक करी केॅ रेगिस्तान
खाली बोलै वास्तें ही आँखी रोॅ समन्दर कत्तेॅ छै
की शीशा रोॅ महल बचाबौं, केकरो आय सनकैला पर
एकेक नरी के हाथोॅ में बड़केबड़ पत्थर कत्तेॅ छै
लंका में दिखलाबोॅ नै हमरा रावण रोॅ महल कहाँ
ई लंका में भाय विभीषण रोॅ बोलोॅ घर कत्तेॅ छै
मन में राम बगल में छूरी राखैवाला दोस्त बहुत
एक हृदय-मूँ राखैवाला बोलोॅ ‘मंजर’ कत्तेॅ छै
रहेॅ रहेॅ नै मेघोॅ के; लोरोॅ के बहुत भरोसा छै
जरियो नै देखना छै हमरा खेत ई बंजर कत्तेॅ छै
देखै सफा घिनैलोॅ पानी, टोंटी केॅ पर नै देखै
आरो जमलोॅ काई केॅ - टंकी के भीतर कत्तेॅ छै
मूँ पर कुछ पीछू में कुछुवे बोलैवाला ढेर मतुर
खरा खरौटी बोलवैया जे ऊ अमरेन्दर कत्तेॅ छै
-24.6.91
