भारत की संस्कृति के लिए... भाषा की उन्नति के लिए... साहित्य के प्रसार के लिए
एक फेर हाँसेर बोलिदिए पो / रवीन्द्र शाह
Kavita Kosh से
केटा- एक फेर हाँसेर बोलिदिए पो
यो दिल दिनेछु राखिदिए पो
केटी- म त तिम्रै हुँ नि किन रोएको
छातीमुनि तिम्रै तस्वीर लुकाइराखेको
केटा- कोइलीको मीठो बोली सुनिदेऊ आज
एकैफेर चिम्लिदेऊ नजरको लाज
केटी- चन्द्रमाको वरिपरि कालो कालो दाग
तिमी आई बसिदेऊ मेरै मुटु माझ
केटा- पछ्यौराको घुम्टो हाली मलाई गुँथी लिन्छ्यौ
सय चोटी चुम्बन गरी आज किन जान्छ्यौ
केटी- बितेको यौवन मेरो तिमीलाई यादै होला
ढुङ्गामाथि पल्टी हामी गीत गाइरहुँला
केटा- एक फेर हाँसेर बोलिदिए पो
यो दिल दिनेछु राखिदिए पो
केटी- म त तिम्रै हुँ नि किन रोएको
छातीमुनि तिम्रै तस्वीर लुकाइराखेको
