भारत की संस्कृति के लिए... भाषा की उन्नति के लिए... साहित्य के प्रसार के लिए
ए.पी.एल./बी.पी.एल.1 / मथुरा नाथ सिंह ‘रानीपुरी’
Kavita Kosh से
1.
कैसनोॅ सोंच
आदमी के बाँटै के
छेकै ई खोंच।
2.
ई समझौता
अगड़ी-पिछड़ी दै
लड़ै के नौता।
3.
कैन्होॅ ई वर्ण
कोइये सवर्ण तेॅ
कोय अवर्ण।
4.
के मजबूर
बी.पी.एल. के गेहूँ सें
जे-जे छै दूर।
5.
छेकै सुधार
ए.पी.एल. के आगू रे
रचै दीवार।
6.
कैन्होॅ ई राज
बी.पी.एल. वाला के रे
मुफ्त इलाज।
7.
ई उपहार
ए.पी.एल. के माथें
महँगी भार।
8.
ई रे विवाद
ए.पी.एल./बी.पी.एल. में
होतै मवाद।
9.
भेलै सुराज
बी.पी.एल. वाला आबेॅ
नै मुँहताज।
10.
हँसलै देवा
बी.पी.एल. घरें आबेॅ
बनतै मेवा।
11.
करोॅ नी तोवा
ए.पी.एल. थाली में
नै छै खोवा।
