ए ज़िन्दगी का तुंहिंजी अहिड़ी अदा बि आहे / अर्जुन ‘शाद’

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अर्जुन मीरचंदाणी 'शाद' » धरतीअ जो दर्द »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

ए ज़िन्दगी का तुंहिंजी अहिड़ी अदा बि आहे
जंहिं दिलकशीअ पुठियां का थींदी वफ़ा बि आहे?

आखि़र कोई किनारो हिन समुंड जो बि मिलन्दो
हिन दर्दे ज़िन्दगीअ जी का इन्तिहा बि आहे?

हिन राह खे ॾिसी बसि हुन राह खे ॾिसूं था
हिन दरबदर नज़र जी मंज़िल न का बि आहे?

ख़ल्कियो खु़दा असां ई, गुमनाम भी असां ई
मुंहिंजे वजूद बिन को थींदो खु़दा बि आहे?

हर गुल जे खून अंदर सहिरा लिकल रहे थो
इन्सान जे खु़शीअ खे काई बक़ा बि आहे?

तूफ़ान आयो मुंहिंजे तदबीर खे लुटे वियो
विच सीर में आ ॿेड़ी, को नाखु़दा बि आहे?