भारत की संस्कृति के लिए... भाषा की उन्नति के लिए... साहित्य के प्रसार के लिए
ऐलान ही क़ौमी झंडो / हूँदराज दुखायल
Kavita Kosh से
थल्ह:
आहे आज़ादीअ संदो ऐलान ही क़ौमी झंडो
क़ौम हिन्दुस्तान जो जिन्दु जान ही क़ौमी झंडो।
आरजू आज़ादगी में, पाड़ जंहिं पुख्ती हंई,
आहि भारत देस जे लइ, शान ही क़ौमी झंडो।
जंहिंजे साये हेठि हिकु थियूं, मुखि़तलफ कौमूं
आहे सो मेलाप जो - नीशान ही क़ौमी झंडो।
ॿलु रखे छाहठ करोड़नि जे भुॼाउनि जो वॾो,
मरु त मारे मुरकंदे मैदान ही क़ौमी झंडो।
हिन हिंदोरे हिन्दु में जेसीं झुले को लाल थो,
तेसी सहंदो कींअ भला, अपमान ही क़ौमी झंडो।
नेठि पहुचाईंदो ऊचे आदर्श जे चोट ते,
पुर मुरादुनि सां कंदो, दामन ही क़ौमी झंडो।
आहि साओ ऐं अच्छो - ॻाढ़ो टिरंगो ही झंडो,
छो त टिनि कौमुनि संदो अॻवान ही क़ौमी झंडो।
जेसीं सिज में सोझरो ऐं चंड में चमकाट आ,
तेसीं शल काइम रखे तूमान ही क़ौमी झंडो।
