भारत की संस्कृति के लिए... भाषा की उन्नति के लिए... साहित्य के प्रसार के लिए
ऐलै खूब घटा घनघोर / दिनेश बाबा
Kavita Kosh से
ऐलै खूब घटा घनघोर
वर्षा होलै भोरम-भोर
चललै खूब हवा परवैय्या
हू हू करी मचैलेॅ शोर
डोली उठलै नदी में नैय्या
मांझी के कुछ चलै ने जोर
खूब झड़ी बरसैलक मेघ
नदी डलमडल कोरेकोर
बंदर, भालू गेलै नकाय
नाची उठलै वन में मोर
जबेॅ जबेॅ चमकै बिजली
तखनी लागै खूब ईंजोर
ठनका ठनकै गड़गड़ गड़गड़
कांपै वदन रोॅ पोरे पोर
