भारत की संस्कृति के लिए... भाषा की उन्नति के लिए... साहित्य के प्रसार के लिए
ओंळू री धरती माथै /मदन गोपाल लढ़ा
Kavita Kosh से
अणसैंधे मारग
चालतां
चेतै आवै
अलेखूं उणियारा
जंका रै सांच री
साख भरै ओळूं
सबूत है सबद
बां रै वजूद रो
डग-मग डोलतो जीव
हियै रै आंगणै
झोला खावै,
लारै भागै
एक अणखावणी छिंया
दड़ाछंट ।
खुदोखुद सूं भाजतो जीव
अंतस री आरसी में सोधै
अणसैधां उणियारा
अर बांचै
ओळूं री धरती माथै
जूण रा आखर ।
