भारत की संस्कृति के लिए... भाषा की उन्नति के लिए... साहित्य के प्रसार के लिए
ओर्लिने कहाँ हो ? / विप्लव ढकाल
Kavita Kosh से
चढेको रेलको स्टेसन छैन ओर्लिने कहाँ हो ?
छुक छुक गरी चल्दै छ रेल, पुगिने कहाँ हो ?
…
माटोमा खस्ला छायाको चित्र बाटो छ अँध्यारो
चट्टान नाघे समुद्र आउँछ डुबिने कहाँ हो ?
…
यात्राका साथी जङ्गली किरा, जङ्गलमै हराउँछन्
आस्थाको धर्ती भत्कियो भने उभिने कहाँ हो ?
…
आफैलाई खोज्न हिँडेका थियौ बाटोमै निदायौ
सपना हराई हारेको यात्री ! बिउँझिने कहाँ हो ?
…
चढेको रेलको स्टेसन छैन ओर्लिने कहाँ हो ?
छुक छुक गरी चल्दै छ रेल, पुगिने कहाँ हो ?
