भारत की संस्कृति के लिए... भाषा की उन्नति के लिए... साहित्य के प्रसार के लिए
ओळंग आयी तट री डोळी झील / सांवर दइया
Kavita Kosh से
ओळंग आयी तट री डोळी झील
जोबन बावळी देखो भोळी झील
खुद भीजै अर म्हनै ई भिजावै नित
खेलै म्हारै सागै होळी झील
होळै-सी कहतां ई बाथां भेटी
कूड़ा बै जका कैवै बोळी झील
दिनूगै-सिंझ्या सजी-धजी दीसै
पै’र सोनालिया साडी-चोळी झील
ऐ’स नीं मिल्यो बिरखा रो सनीणो
धौळां सूं धुप-धुप हुई धौळी झील
