भारत की संस्कृति के लिए... भाषा की उन्नति के लिए... साहित्य के प्रसार के लिए
और वाॼा और नगमा / अर्जुन ‘शाद’
Kavita Kosh से
और वाॼा और दिल जा सुर सुरायूं था असीं
अॼु नवां नग़मा नवनि साज़नि ते ॻायूं था असीं!
मुर्दा दिल ज़िन्दा थिए जंहिं रूह परवर राॻ सां
सोई ॻायूं था असीं, ॿिया सभु भुलायूं था असीं!
हस्रतुनि जी बाहि ते तन जो न जिअं छंडो पवे
आह जे आतिश सां लुड़िकनि खे सुकायूं था असीं!
ही बि इन्सान हू बि इन्सान हू सुखियो छो ही ॾुखियो
आहि इन्साननि में जो संधो, मिटायूं था असीं!
छा थियो आॾो मुसीबत जो खड़ो आहे पहाड़
नहर जां छातीअ तां उनजी विख वधायूं था असीं!
सिर्फ़ कन नाहिनि असां खे, मुंहुँ में पुणि आहे ज़बाँ
था अचूं ॿुधन्दा सदियुनि खां, अॼु ॿुधायूं था असीं!
गै़ब हो ऐं मुंहुँ ॾियणु आफ़त खे बस बेसूद हो
अॼु झले हथु ज़िन्दगीअ खे खु़द हलायूं था असीं!
