भारत की संस्कृति के लिए... भाषा की उन्नति के लिए... साहित्य के प्रसार के लिए
कंवळी-सी आस / रामस्वरूप किसान
Kavita Kosh से
के बतावूं/रायल्टी पर
घर चलावूं
ईं सारू
घणी बेताबी सूं
डाकीयै नै उडीकूं
म्हारै तो
चीज बरतण रौ आदेस
डाकियौ ई ल्यावै
भौत बर/चा सारू
चूल्है उकळतौ पाणी
पाणी ई रैय ज्यावै
अर डाकियौ
भळै छोड़ ज्यावै
आठ पौर री
करड़ी उड़ीक में पळेट‘र
कंवळी-सी आस
म्हारै काळजे
म्हैं भळै
कागला उडावूं
के बतावूं/रायल्टी पर
घर चलावूं।
