कंहिं धमाके जी ख़्वाब सां आहे / एम. कमल

कंहिं धमाके जी ख़्वाब सां आहे।
निन्ड भव जी अज़ाब सां आहे॥

खिली वठु, वक्तु पोइ लेखो कंदुइ।
हिते सभु कुछु हिसाब सां आहे॥

बेसिरे नाहे को बि अफ़सानो।
हर को माण्हू खि़ताब सां आहे॥

जंहिं जे चेहरे ते मां फ़िदा आहियां।
ॿुधिजे थो सो नक़ाब सां आहे!!

भाॻ सां लॻन्दो आ कन्डो अहिड़ो।
जंहिं जो रिश्तो गुलाब सां आहे॥

कंहिं जो कंहिं जो कबो इलाजु कमल।
हर कोई हिति अज़ाब सां आहे॥