भारत की संस्कृति के लिए... भाषा की उन्नति के लिए... साहित्य के प्रसार के लिए
करिया झुम्मर / अमरेन्द्र
Kavita Kosh से
करिया झुम्मर खेलै छी
लीख पटापट मारै छी ।
देखलौं यहू राज गे हिरिया
खाली झुट्ठे-झुट्ठे किरिया
खाय छै, पूछबै अगली बेरिया
इखनी तेॅॅ हमें कानै छी ।
पहिला सें ई निक्के छै
केना कहै छैं-ठिक्के छै
हिरिया, यहू फिक्केॅ छै
एतन्हंै हम्मू जानै छी ।
की कहियौ कि एक्के ठय्यां
हम्में बैकबर्ड, फुरबर्ड सैय्यां
रोज मरौड़ै हमरोॅ बैहियां
लोर आँखी सेॅ गारै छी ।
जेकरोॅ गोड़ें ढलढल फोका
ओकरोॅॅ बास्तें की पनसोखा
तोहीं खेलें औका-बौका
दरदोॅ सें हम्में फाटै छी ।
