भारत की संस्कृति के लिए... भाषा की उन्नति के लिए... साहित्य के प्रसार के लिए
करिया मेघ / ऋतु रूप / चन्द्रप्रकाश जगप्रिय
Kavita Kosh से
ई करिया मेघ!
कौनें
ई सौंसे सरंग मेॅ
सलेटी रं के चट्टान काटी-काटी केॅ
सजाय देलेॅ छै
जे पुरवैया के झोंका सेॅ
हिन्नेॅ-हुन्नेॅ डोलै छै।
अजगुते बात कहोॅ
ई कारोॅ पहाड़ बोलै छै
ठहाका मारी हाँसै छै
धरती सरंग फाँसै छै।
ई बादल पहाड़ छेकै
आकि वहा समुन्दर के राकस
जे दीया-बत्ती लै केॅ
खोजी रहलोॅ छै
सरंगोॅ सेॅ लै केॅ
धरती तांय
पुरनका डीह
ई करिया मेघ!
