करीला निहोरा मैया, बिगड़ी बनाय द।
पीठ पर बैठके हंस, माई से मिलाय द॥
सूर लय ताल मईया हमरो सजाय द।
राग रगिनिया के, हमरी बनाय द।
तानसेन बैजू जइसे, सरगम बजाय द॥
पीठ पर बैठा के हंस माई से मिलाय द॥
सुर के सूर मइया रउरे बनवली।
तुलसी के शशि यश ज्योतियाँ दिखनली।
गीतिया में हमरी मइया तालिया बजाय द।
पीठ पर बैठाके हंस माई से मिलाय द॥
हम अनजान बानी कठिन डगरिया।
दर दर भटकीला बनके भिखरिया।
नेहिया से अपनी मैया जोतिया जराय द।
पीठ पर बैठाके हंस माई से मिले द॥
महिमा से रउरे मइया पंगु गिरि लांघे।
महफ़िल में आके रउरे दूत शमा बाँधे।
रसिया के आके मइया साधिया पुराय द॥
पीठ पर बैठाके हंस माई से मिलाय द॥