भारत की संस्कृति के लिए... भाषा की उन्नति के लिए... साहित्य के प्रसार के लिए
करै तो कोई कांई करै भायला / सांवर दइया
Kavita Kosh से
करै तो कोई कांई करै भायला
आ सदी मिजळी मरै भायला
हया-दया कीं कोनी अठै देख लै
सीधा-छाती पर पग धरै भायला
तूं राजी रह म्हांनै जग सूं कांईं
थारै बिना कोनी सरै भायला
ई हवा रो कोनी पतियारो अबै
सांस लेवता ई डरै भायला
सांमै आयां ई पार का बीं पार
अबै ऐ पग पाछा क्यूं धरै भायला
