भारत की संस्कृति के लिए... भाषा की उन्नति के लिए... साहित्य के प्रसार के लिए
करो नै है रंग पिया हे / मथुरा नाथ सिंह 'रानीपुरी'
Kavita Kosh से
करोॅ नै है रंग पिया है मौज
जानी केॅ कैन्हें-बनावै छोॅ फौज।
अभी तेॅ मुन्ना खड़ा नै होय छै
पेटोॅ में मुन्नी हड़मड़ करै छै
एकरा न समझोॅ नादी आ हौज।
देखोॅ जरा अपनोॅ देहोॅ केॅ हाल
चमड़ा चुटकलौं पचकलौं गाल
तब्बो नै छोड़ै छोॅ ई रङ मौज॥
ढेर सनी बच्चा सें घरोॅ में तंगी
कोय छै नंगा तेॅ कोय छै नंगी
छोट परिवार हुअँ तबेॅ नी मौज।
मुन्ना-मुन्नी केॅ खूब पढ़ावोॅ
देशोॅ केॅ हरदम ऊपर बढ़ावोँ
गांव बनाबोॅ गढ़ कन्नौज।
