भारत की संस्कृति के लिए... भाषा की उन्नति के लिए... साहित्य के प्रसार के लिए
कर्जा लईकै दारू ब्यान्चौ / प्रदीप शुक्ल
Kavita Kosh से
कर्जु बैंक ते
लेव गजोधर
सीखौ तनिकु सलीका
कहाँ परे हौ हियाँ गांव मा
भागि चलौ अमरीका
छ्वाडौ खेती
काहे यहिमा
दीन्हे देतु परान
कर्जा लईकै दारू ब्यान्चौ
ख्वालौ याक दुकान
खुस रखिहौ सहेबन का तुम, तौ
डेरु ना तुम्हरे जी का
क्रिकेट खरीदौ,
कार खरीदौ
रोजु कराव कबड्डी
आसमान मा परिन ते ख्यालौ
करौ हुएं गड़बड्डी
कुंडल कवच लेव साहेब ते
तुमका अउरु चही का
हमरी मानौ
तौ दारू के
खोदवावौ तालाब
वहिमा केलि करैं रातिन मा
सहर के बड़े जनाब
कढ़िले का दुत्कारौ
लीन्हे घूमैं चेहरा फ़ीका
बीस हजार के
कर्जे मा
' ललतवा ' लगावै फाँसी
तुम लन्दन मा रहौ
हियाँ पर तुम्हरे आवै खाँसी
देसु सार रोई चिल्लाई
अउरु तुम्हार करी का।
