भारत की संस्कृति के लिए... भाषा की उन्नति के लिए... साहित्य के प्रसार के लिए
कहिया ऊ दिन लौटी ऐतै / चन्द्रप्रकाश जगप्रिय
Kavita Kosh से
कहिया ऊ दिन लौटी ऐतै?
एकके ठियां चैत आ फागुन
गेठ जोड़ी केॅ रहतै पाहुन
चैतवरा फागुन केॅ गैतै
कहिया ऊ दिन लौटी ऐतै?
सावन होतै भादो के संग
हरियाली के चोखोॅ टा रंग
इन्द्रधनुष में जाय समैतै
कहिया ऊ दिन लौटी ऐतै?
सोना रं दिन बितलोॅ जाय छै
भरलोॅ-भरलोॅ रितलोॅ जाय छै
की कभियो नै मन सुख पैतै
कहिया ऊ दिन लौटी ऐतै?
