कहीं चहकेले चिरई...! / पाण्डेय कपिल

कहीं चहकेले चिरई
कहीं ढोल बाजेला!
ना घरे में लागेला मन
ना बने में लागेला!
जे खुदे नाद से जनमल बा
ओह ब्रह्माण्ड में
कहाँ मिल पाई हमरा
सुनसान ठवर
जहाँ हम उदासी के केंचुल
चढ़ा-चढ़ा के
उपजा सकीं
तलफत जहर!
सोच-सोच
अपने पर हँसी आवेला
ना घरे में लागेला मन
ना बने में लागेला!
इरखा के आँच में
उफनाइल
फेन फेंकत मन के
बैरागी बाना
अझुरा ना सके
रेशम के कीड़ा जइहन
अपने बीनल जाल
काट-काट के
तनिको
सझुरा ना सके!
ना मने में लागेला मन
ना तने में लागेला!
ना घरे में लागेला मन
ना बने में लागेला!

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

कहीं चहकेले चिरई...! / पाण्डेय कपिल

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग