भारत की संस्कृति के लिए... भाषा की उन्नति के लिए... साहित्य के प्रसार के लिए
कहू की बात हम मानिनि / शिव कुमार झा 'टिल्लू'
Kavita Kosh से
कहू की बात हम मानिनि कलुष भऽ गेल अछि अर्पण
कोना सहबै अखल कंटक दबै छै टीसतर तर्पण
सोहाबै नै खुशी सरगम समाजक हास परिलक्षित
धुनै छी देल कालक गति गदराबै नै विकल जीवन
पतित नियति आकुल भेलै जड़ल अर्णव तरंगे छै
सूतल ईश सभ पंथक एलै समभावमे विचलन
बाहरसँ जे जत्ते गुमसुम हिआसँ ओ ओते बिखधर
चानन बहलै उषाकाले वाह रौ जहानक संकर्षण
भेटल जेकरा जतऽ अवसरि हाथ धोलक हलालीसँ
नीतिक मंचपर चढ़िते करै माटि नेह प्रति गर्जन
