किन हो यती भरोसा बसेछ / चाँदनी शाह

कहिले यो माया बिर्सिने भुलेर दिनमा
घुमी त यही आउँछौ फर्केर बासमा
सुन्नेछु तिम्रै आवाज गोधुँली याममा
(किन हो यती भरोसा बसेछ तिमीमा)x2

अतितका खुशी बन्दछौ अरुका सामुमा
केही छ बाँकी अवश्य साँचेको आफुमा
सात त्यो मेरै हुनेछ एकालोपनमा
(किन हो यती भरोसा बसेछ तिमीमा)x2

के जली धर्ती ढाकेकी उज्यालो घाममा
केही छ तिम्रो शायद धमिलो मनमा
मायाको दियो मेरै हो अँध्यारोपनमा
(किन हो यती भरोसा बसेछ तिमीमा)x2

सुखको बेला हजारौँ होलान् साथमा
दु:खका घडी आउँदा जीवनपाटोमा
हुनेछौ तिमी मेरो नै थकेको बेलामा
(किन हो यती भरोसा बसेछ तिमीमा)x3