भारत की संस्कृति के लिए... भाषा की उन्नति के लिए... साहित्य के प्रसार के लिए
की मालूम के लुतरी हरदम लारी जाय छै / दिनेश बाबा
Kavita Kosh से
की मालूम के लुतरी हरदम लारी जाय छै
कुछ कहला पर बातो यही ना टारी जाय छै
केतनो बक-बक करोॅ खिलाफ में तोंय लेकिन
पता नैं ओकरा देखथैं मति के मारी जाय छै
निर्धनता द्रौपदी रङ बेबस छै सचमुच
कोय न कोय दुःशासन लाज उघारी जाय छै
केना अहिल्या सतवंती बनी रहै ले पारेॅ
पापी कोय पुरन्दर नाखी निहारी जाय छै
खुशी के दिन भी कहाँ नशीब सुकरतियो रङ
देव पितर भी सुख के दिया नैं बारी जाय छै
मनसूबा जत्तेॅ भी बान्होॅ घरकुण्डा रङ
दुष्ट नाखी आबी कोय खेल मिंघारी जाय छै
लगै छै ‘बाबा’ के किस्मत भी छेकै भुताहा
नैं मिललै कोय सिद्ध जे भूत उतारी जाय छै।
