भारत की संस्कृति के लिए... भाषा की उन्नति के लिए... साहित्य के प्रसार के लिए
कुण है वो / मदन गोपाल लढ़ा
Kavita Kosh से
दुनिया रै
हरेक गांव में
पक्कायत लाधैला आपनैं
गाभा सीड़तो दरजी
बाळ काटतो नाई
अर टापरा संवारतो कारीगर।
दुनिया रै
हरेक घर में
आप जोय सको
काच, कांगसियो
अर तेल-फुलेल।
फूठरापै सारू आफळ
मानखै रो
जुगां-जूनो सुभाव है
पण कुण है वो
जको जद-कद
धूड़, धुंवै अर लाय सूं
बदरंग कर नाखै
मिनखपणै रो उणियारो।
