भारत की संस्कृति के लिए... भाषा की उन्नति के लिए... साहित्य के प्रसार के लिए
कुर्ता खादी का चौचक / बोली बानी / जगदीश पीयूष
Kavita Kosh से
कुर्ता खादी का चौचक
ताकैं गाँधी जी भौचक
होइगे घरे घरे नेतवे दलाल माई जी
करैं धीरे धीरे हमका हलाल माई जी
चाटैं राजनीति कै चाट
रोजै बदलैं धोबी घाट
धक्का मुक्की होइगा देसवा धमाल माई जी
करैं धीरे धीरे हमका माई जी
चारिव ओरी मारामारी
जेका देखा ठेकेदारी
होइगे मन्त्री जी कै पूत मालामाल माई जी
करैं धीरे धीरे हमका हलाल माई जी
अफसर होइगे बेइमान
नौकर चाकर भरे गुमान
वोटवा होइगा हमरी जान क बवाल माई जी
करैं धीरे धीरे हमका हलाल माई जी
