भारत की संस्कृति के लिए... भाषा की उन्नति के लिए... साहित्य के प्रसार के लिए
कुहासौ छँट गयौ और उजीतौ ह्वै गयौ ऐ / नवीन सी. चतुर्वेदी
Kavita Kosh से
कुहासौ छँट गयौ और, उजीतौ ह्वै गयौ ऐ।
गगनचर चल गगन कूँ, सबेरौ ह्वै गयौ ऐ॥
हतो बौ इक जमानौ, कह्यौ कर्त्वो जमानौ।
चलौ जमना किनारें - सबेरौ ह्वै गयौ ऐ॥
बौ रातन की पढ़ाई, और अम्मा की हिदायत।
अरे तनि सोय लै रे - सबेरौ ह्वै गयौ ऐ॥
अगल-बगलन छतन सूँ, कहाँ सुनिबौ मिलै अब।
कि अब जामन दै बैरी - सबेरौ ह्वै गयौ ऐ॥
कहूँ जामन की जल्दी, कहूँ जा बात कौ गम।
निसा उतरी ऊ नाँय और, सबेरौ ह्वै गयौ ऐ॥
न कुकड़ूँ-कूँ भई और, न जल झरत्वै हबा सूँ।
तौ फिर हम कैसें मानें - सबेरौ ह्वै गयौ ॥
न जानें चौं बौ औघड़, हमन पै पिल पर्यौ’तो।
कह्यौ जैसें ई बा सूँ - सबेरौ ह्वै गयौ ऐ॥
