भारत की संस्कृति के लिए... भाषा की उन्नति के लिए... साहित्य के प्रसार के लिए
केई कारियूं रातियूं गुज़रियूं, केई सुर्ख़ सवेरा थिया / अर्जुन ‘शाद’
Kavita Kosh से
केई कारियूं रातियूं गुज़रियूं, केई सुर्ख़ सवेरा थिया
मुंहिंजे दिल जा हाइ! अञा भी दूर न घोर अंधेरा थिया।
सूर संभारियूं कंहिं कंहिं जा ऐं कंहिं ज़हरीला तीर हंयां
मुंहं जा हुआ मलूक मगर अॼु सभु ई फिरी लुटेरा थिया।
तूं त अञा भी आहीं साॻियो, शायद बदिलियो मां बि न आहियां
तुंहिंजे मुंहिंजे तकरारनि जा तोड़े कऐं निबेरा थिया।
मूंखे कहिड़ी ॼाण त तुंहिंजूं नज़रूं सभ सां टकिरनि थियूं
मूं समझियो हो शायद हाणे प्रीति जा पेच पकेरा थिया।
मंज़िल साॻी, पंधु बि साॻियो, ‘शाद’ शिकायत छाजे लइ आ
राह अणांगी नाहे, शायद क़दम अञा बि कचेरा थिया।
