केकर रोवले गँगा बही गेल, केकर रोवले समुन्दर हे / मगही

मगही लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

केकर<ref>किसके</ref> रोवले गँगा बही गेल, केकर रोवले समुन्दर हे।
केकर रोवले भिजलइ चदरिया, केकर अँखिया न लोर<ref>आँसू</ref> हे॥1॥
अम्माँ के रोवले गँगा बही गेल, बाबूजी के रोवले समुन्दर हे।
भइया के रोवले भिंजले चदरिया, भउजी के अँखिया न लोर हे॥2॥
कवन कहल बेटी रोज रोज अइहें, कवन कहले छव मास हे।
कवन कहले भउजी काज परोजन<ref>उत्सव, समारोह, कार्य-विशेष पर</ref> कवन कहले दूरि जाहु<ref>जाओ</ref> हे॥3॥
अम्माँ कहले बेटी रोज रोज अइहें, बाबूजी कहले छव मास हे।
भइया कहले बहिनी काज परोजन, भउजी कहलन दूरि जाहु हे॥4॥
का तोरा भउजी हे नोन<ref>नमक</ref> हाथ देली, न देली पउती<ref>सींक की बनी हुई ढक्कनदार पिटारी</ref> पेहान<ref>ढक्कन</ref> हे।
का तोरा भउजी हे चूल्हा चउका रोकली, काहे कहल दूरि जाहु हे॥5॥

शब्दार्थ

<references/>