भारत की संस्कृति के लिए... भाषा की उन्नति के लिए... साहित्य के प्रसार के लिए
केही चोटले ज्ञानी हुन्छ / गोपाल योञ्जन
Kavita Kosh से
केही चोटले ज्ञानी हुन्छ धेरै चोटले बानी हुन्छ
मेरो मन भाँच या साँच मलाई अब जे गरे हुन्छ
मान्छेले गर्ने कर्महरू केले असल खराब हुन्छ
आफ्नो अपजसे हातहरूले जे गर्यो त्यही खराब हुन्छ
डढेको मन बाँकी राख सबै एक छिनमा खाक हुन्छ
मेरो मन भाँच या साँच मलाई अब जे गरे हुन्छ
न त घृणाले आतिन्छु न त मायाले मातिन्छु
मलाई दोष देऊ या देऊ उपहार कालो रङ्गमा जे पोते हुन्छ
केको बत्ती नदेख्नेलाई मेरो दिनरात समान हुन्छ
मेरो मन भाँच या साँच मलाई अब जे गरे हुन्छ
