भारत की संस्कृति के लिए... भाषा की उन्नति के लिए... साहित्य के प्रसार के लिए
केही दाना कविता (२) / तुल्सी थापा
Kavita Kosh से
६. दृष्टि
गान्धारी पट्टी खोल
धेरै कुरा देख्दै छ धृतराष्ट्र
ऊ सधैँ अन्धो छैन ।
७. मर्यादा
लक्ष्मण अहिले मूर्च्छित छ
मनलाग्दो रेखा कोर
वर्जित नै अब के छ र ?
८. विश्रान्ति
चिर निद्रामा छन्
भीष्म पितामह वाणशय्यामा
जय पराजय केही देखिन्न यहाँ ।
९. काव्य
किन गिँडन मात्र खोज्छौ ?
जब हरेकमा हुन्छन्
रावणका टाउकाहरू ।
१०. बिरामी देश
दिवसहरूमा चलमलाउँछ
त्यसपछि थाहै हुन्न
कतिखेर अचेत पल्टिन्छ ।
