भारत की संस्कृति के लिए... भाषा की उन्नति के लिए... साहित्य के प्रसार के लिए
के के देखाईं चुनरिया / जयशंकर प्रसाद द्विवेदी
Kavita Kosh से
अँगना छिंटाइल अंजोरिया हो रामा
मन मधुवाइल।
अमवा के मोजरी से कोइलर के बोलिया
चढ़त चइतवा में ताना देव छलिया
सम्हरे न आपन नजरिया हो रामा
मन मधुवाइल।
मनवा रंगल बाटे संइयाँ के रंग में
उठेला सिरहिरी मोरा अंग-अंग में
कइसे सजायीं सेजरिया हो रामा
मन मधुवाइल।
मधुर पवन अब मधुमय भइलें
भँवरा सजन मोर कतों न देखइलें
केके देखाई चुनरिया हो रामा
मन मधुवाइल।
