भारत की संस्कृति के लिए... भाषा की उन्नति के लिए... साहित्य के प्रसार के लिए
कोन एहन हम काज करू जे लागय कोनो पाप नहि / बाबा बैद्यनाथ झा
Kavita Kosh से
कोन एहन हम काज करू जे लागय कोनो पाप नहि
भूखक आगिसँ बेसी भैया अछि कोनो संताप नहि
रक्तबीज सन बढ़ल जाइ छै आइ मनुज संतान कोना
जे खाली जनमेटा दै छै ओ पापी अछि बाप नहि
जे अपने टा स्वार्थ बुझै छै व्यर्थ ओतए उपदेश कोनो
कारी कम्मल पर पड़तै पुनि आन रंगकेर छाप नहि
ककरो रोटी पर आफत छै कतहु सड़ैए दूध-मलाइ
ई अपनहि कर्मेकेर फल थिक पूर्वजन्मकेर श्राप नहि
कर्महीन बनैछ ओ प्राणी जे दोसरपर दोष मढ़य
कार्यसिद्ध होइछ मेहनतिस बैसल कयने जाप नहि
