भारत की संस्कृति के लिए... भाषा की उन्नति के लिए... साहित्य के प्रसार के लिए
कोभेॅ रऽ / श्रीस्नेही
Kavita Kosh से
लौंगिया के लेॅतेॅ-
पेॅतेॅ गे सोहगिन तोर्ही जेॅ देहिया!
कोहवर-बाग शोभौ बनीकेॅ तितलिया!!
एक लटेॅ झूमौ छाती दुज पीठ पिछुआ!
रही-रही कसकेॅ जगाबौ पग-बिछुआ!!
लौंगिया के लेॅतेॅ-
पेॅतेॅ गे सोहगिन तोर्ही जेॅ देहिया!
झलमल शोभौ जेना काँच के पुतरिया!!
उलझी-पुलंझी रहौ लम्बे-लम्बे केसिया!
केसिया के पातेॅ बीच फूल सिन्दुरिया!!
लौंगिया के लेॅतेॅ-
पेॅतेॅ गे सोहगिन तोर्ही जेॅ देहिया!
गमकाबी रहौ सोहगिन सुकुमारी सेजिया!!
झूपी-झूपी रहौ तोर्ही जेॅ देहिया।
देखी चितेॅ चोरेॅ, जरैजेना फुलझड़िया!!
लौंगिया के लेॅतेॅ-
पेॅतेॅ गे सोहगिन तोर्ही जेॅ देहिया!
कान्हा-बाँह बीच शोभौ गल्ला-हारेॅ मोतिया!!
कोर पाछू लेहू राखी धिया निर्मोहिया!
शिव संगेॅ जेना गौरा, देॅलेॅ बीच भौंरिया!!
लौगिया के लेॅतेॅ-
पेॅतेॅ गे सोहगिन तोर्ही जेॅ देहिया!
काँची उमर पिया-बाँह माथेॅ-तकिया!!
