मैथिली लोकगीत ♦ रचनाकार: अज्ञात
कौने नगर के इहो सुन्दर बरिअतिया
हे दुलहा बड़ सुन्दर
कौने नगर ब्याहन जाइ
हे दुलहा बड़ सुन्दर
अवध नगर के इहो सुन्दर बरिअतिया
हे दुलहा बड़ सुन्दर
जनकपुर नगर ब्याहन जाइ
हे दुलहा बड़ सुन्दर
किनकर पुत्र छनि इहो चारू बालक
हे दुलहा बड़ सुन्दर
आहे किनकर छनि जमाइ
हे दुलहा बड़ सुन्दर
राजा दशरथ केर इहो चारू बालक
हे दुलहा बड़ सुन्दर
जनक ऋषि केर छथिन जमाइ
हे दुलहा बड़ सुन्दर