भारत की संस्कृति के लिए... भाषा की उन्नति के लिए... साहित्य के प्रसार के लिए
कॾहिं कॾहिं / रश्मी रामाणी
Kavita Kosh से
कॾंि कॾहिं
मूंखे पंहिंजे अन्दर जी काराणि
एतिरी साफ़ नज़र ईन्दी आहे
जो गुम थी वेन्दो आहे, मुंहिंजो वजूद
घाटी ऊन्दहि में।
कॾहिं कॾहिं
लॻन्दो आहे शान्ती हिक
गुम थी वियल शइ आहे
इनसान खे तॾहिं मिलन्दी आहे जॾहिं
हू पाण ख़तम थी वेन्दो आहे।
कॾहिं कॾहिं
मुंहिंजे मन में हून्दी आहे
अथाह खुशी, मधुर संगीत जा सुर
समाइजी वेन्दा आहिनि मुंहिंजे अन्दर में
चपनि ते ईन्दी आहे मुर्क, पर
छो इएं थीन्दो आहे
घड़ी-पल में संगीत जा सुर
चीख़ बणिजी वेन्दा आहिनि
जेका तरन्दी आहे वायूमंडल में
शोकु गीतु बणिजी
वाट विसिरियल मुसाफ़िर जियां
गुम थी वेन्दी आहे मुंहिंजी
मुर्क पेचरनि में
