भारत की संस्कृति के लिए... भाषा की उन्नति के लिए... साहित्य के प्रसार के लिए
खडेरीले जिमीलाई साह्रै सुकाउँछ / मञ्जुल
Kavita Kosh से
मुस्कान
खडेरीले जिमीलाई साह्रै सुकाउँछ
झरी परे त्यै जिमीलाई उर्वर बनाउँछ
आँसु पनि त्यस्तै नै हो यो जीवनका लागि
सङ्घर्षमा बाँच्नु पर्छ कहाँ जाने भागी
मेरा लागि ढुकढुक गर्ने मेरो मुटु तिमी
तिमी छैनौ भने छैन मेरो आकाश'जिमी
कैले हुन्थ्यो मलाई भारी मेरो आफ्नै छाया
सारा जीवन काट्ने मन छ बसी दायाँ-बायाँ
ऐले मात्र होइन तिम्लाई पैलेदेखि चिन्छु
मर्नु'बाँच्नु जे परे नि तिम्रै साथ दिन्छु
मेरो जीवन मेरो हुन्न तिम्रो साथ विना
मेरो जीवन तिम्रो नासो हुन्न हिनामिना
