भारत की संस्कृति के लिए... भाषा की उन्नति के लिए... साहित्य के प्रसार के लिए
ख़ुशी मिलत तौ उमर बढ़त है / महेश कटारे सुगम
Kavita Kosh से
ख़ुशी मिलत तौ उमर बढ़त है
दुखी आदमी वेग मरत है
जोंन आदमी मन कौ कारौ
खूबई बौई सजत सँवरत है
जी की अच्छी नज़र होत है
वौ अच्छौ-अच्छौ देखत है
भादों में जो आँखें फूटें
फिर तौ हरौ-हरौ सूझत है
घाव देत जब अपनौ कौनऊं
हलकौ घाव भौत कसकत है
सुगम सुभाव होत है जैसौ
वौ सबखौं ऊसौ समझत है
