खुद्दारीअ में ख़तम थियल भेण ॾांहुं / श्याम जयसिंघाणी
साबुण सां लिखी नालियुनि में तारियासीं
नंढपुणि में जे सफ़ेद खेरा काग़ज़
बुॾी विया हून्दा कुझु फ़ासले बाद
न कंहिं पढ़िया हून्दा
न ई कंहिं समुझिया हून्दा
पक ॼाणु इहो।
पुछियो हो पंडे मूं खां
‘पूरो नालो तुंहिंजो?’
चयोमांसि: चुप चाप कमु करि
तूं छा काई अदालत आहीं?
सोचियुमि: कुझु वधीक कुछियाईं अगर
धिके छडरुीन्दुसि खेसि गंगा अन्दर
गंगा नदी कंहिं एजन्ट सिवाइ
छा थोरी भस्म बि न उपाईन्दी?
ठोकरूं हणी हणी सभिनी
वहायो हो लहू तुंहिंजो
मूं जॾहिं जॾहिं
तो खे कोठियो हो
तो आवाज़ु न सुञाणी
मजबूर चेहरनि जे अंबार पुठियां
पाणु लिकाइण जी कोशिश में
पाणु मुंझायो हो।
कंबाईन्दड़ सरदीअ में
ऊंदाहें घिमियल पट ते
अकेले लेटी
खुलियल रहिजी वेयूं अखियूं तुंहिंजू
उहा निंड कहिड़ी निंड हून्दी
न तो कम्बलु घुरियो हो
न तो करवट बदिली हुई।
जीअरे न सहीं, चिता ते
आखि़र पाए वरितइ गरमी
तो इहो रूपु त न चाहियो हो
समूरीअ जाॻ में पहिंजी।
(मुम्बई मुंहिंजी- 1998)
