खूब इठलाय लेॅ आकाशोॅ में पानी में अभी / अमरेन्द्र

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अमरेन्द्र » रेत रोॅ राग »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

खूब इठलाय लेॅ आकाशोॅ में पानी में अभी
कौनें रोकेॅ भी सकेॅ तोरोॅ जुआनी में अभी
एक दिन अँगुठी भी अँगुरी लेॅ मुसीबत होय छै
तोहें चाहोॅ तेॅ दहौ हमरा निशानी में अभी
राजा नरमैलोॅ छै परजौ सें भी बोलै छै मतर
नाज छै नखरा छै गुस्सौ भी छै रानी में अभी
एक दू सें सुनीकेॅ नाम अपनोॅ ई भय छौं
नाम आबै लेॅ तेॅ बाकी छौं कहानी में अभी
तोहें धीरज केॅ नै छोड़ोॅ सुनोॅ आकाशोॅ में
आग लागतै जरूर लागलोॅ छै पानी में अभी
जों वेवस्था नै बदललोॅ छै अभी तक तेॅ सुनोॅ
धार ऐलोॅ नै छै गजलोॅ के रवानी में अभी

(पीर का पर्वत पुकारे सें)