भारत की संस्कृति के लिए... भाषा की उन्नति के लिए... साहित्य के प्रसार के लिए
खूब जलेॅ तन-मन; कोय दुख नै / चन्द्रप्रकाश जगप्रिय
Kavita Kosh से
खूब जलेॅ तन-मन; कोय दुख नै।
जत्तेॅ तपतै माँटी-धरती
ओत्तै हरियैतै ई परती
की किताब, जेकरा आमुख नै।
खूब जलेॅ तन-मन; कोय दुख नै।
प्राण जलेॅ तेॅ लोरो बरसै
आय नै तेॅ कल जिनगी हरसेॅ
भले अभी सोनोॅ के रुख नै
खूब जलेॅ तन-मन; कोय दुख नै।
साथी साल भले नै हमरोॅ
प्राण, सखा के नाम केॅ सुमरोॅ
बिना दुखोॅ के केकरो सुख नै
खूब जलेॅ तन-मन; कोय दुख नै।
