खॼे थो साहु त वारी वारी! / अर्जुन हासिद

खॼे थो साहु त वारी वारी!
सुञी थी राह लॻे वेचारी!

उथे थो वाउ, उॾामे गर्मी,
रुॻो थी बाहि वसे चौधारी!

सुकल तलाउ, फुड़ो हिकु कोन्हे,
वधी थी प्यास वञे हेकारी!

ज़मीन ठोठ ऐं ॾारूं ॾारूं,
सदियुनि सदियुनि खां हुई गुलजारी!

छणियल पननि जो फिटलु रंग आहे,
करे किथे था सघूं रखवारी!

वणनि जा ॾार उभियूं काठियूं ॼणु,
ज़माना तोतां वञां ॿलिहारी!

लॻां छा ढोर-ढॻो थो हासिद,
अची थी हरको ॾिए बुचकारी!