भारत की संस्कृति के लिए... भाषा की उन्नति के लिए... साहित्य के प्रसार के लिए
गजल / शिव प्रसाद लोहानी
Kavita Kosh से
सूरज जब खुदे अंधेरा फइलावे लगत
अदना बेचारी भगजोगनी तब की करत
नगाड़ा के चाप से नींद जब नय टूटल
अइसन मे घड़ी के जगउनी तब की करत
ताप के रोके ला छाता कुछ नइ कइलक
अइसन में छाता के कमिनी तब की करत
बुरा विचार के काँटा भरल जंगल जहां
हुआ खाली खुरपी के निकौनी तब की करत
मारकाट अपहरण डकैती जहां हो रहल
हुआ पर कबीर के रमैनी तब की करत
विधि के नायक के रातल नई टोल सकल
हुआ पर सोनार के परिआनी तब की करत
किसिम किसिम के हथियार जहां ढेर हके
हथियार बिना खाली जवानी तब की करत
जनहित के जमके उपेक्षा जे घोर कइलक
पहुंचला पर ओकरा अगवानी तब की करत
पाँच सितारा के पाटी मे खइलक जे हे
उनखा के गाँव के सतुआनी की करत
