गर्व / अशोक शुभदर्शी

हमरा बहुते गर्व छै कि
हमरोॅ किनारा में बसलोॅ छै एक समृद्ध गाँव
पंजावारा में
ऐलोॅ छेलै
एक बड़ोॅ महापुरूश
‘खान अब्दुल गप्फार खान साहेब’
जिनका दुनिया जानै छै
‘सीमांत गाँधी’ केॅ नामोॅ सें

कहलेॅ छेलै हुनी
ई गाँमोॅ केॅ
भारतीय संस्कृति केॅ प्रतिबिम्ब
तेॅ की
हम्में कहीं नै छियै ई प्रतिबिम्बोॅ में

हमरा गर्व होय छै
कि हमरोॅ जलस्त्रोत ही नै तेॅ
सीचलेॅ छै
ई गाँव केॅ
एकरा बनैलेॅ छै समृद्ध
हमरेॅ हवा ने भी ।