भारत की संस्कृति के लिए... भाषा की उन्नति के लिए... साहित्य के प्रसार के लिए
गहलीं कलम लिखते लिखत रम मन गइल / सूर्यदेव पाठक 'पराग'
Kavita Kosh से
गहलीं कलम लिखते लिखत मर मन गइल
कविता-गजल-गीतन के रस मे सन गइल
बइठल सभे बा घर बना अलगे-अलग
केहू कइल घुसपैठ तब-तब ठन गइल
जिनगी खपा दीहल करत श्रम-साधना
अमरत्व पा इतिहास, पुरूखा बन गइल
कुछ लोग सउँसे उम्र पार लगा रहल
आइल, बुढ़ौती तबहूँ ना बचपन गइल
माँ भारती के हाथ बहुत बा बड़ा
जाई अकारथ ना ‘पराग’ सरन गइल
