भारत की संस्कृति के लिए... भाषा की उन्नति के लिए... साहित्य के प्रसार के लिए
गाँव नै गाँब आरो शहरो शहर लागै छै / अमरेन्द्र
Kavita Kosh से
गाँव नै गाँब आरो शहरो शहर लागै छै
एकरा कैन्हैंनी जुआनी के उमर लागै छै
हम्में सब खाड़ोॅ छियै ज्वालामुखी रोॅ मूँ पर
ककरौ लागै न लगेॅ हमरा मतर लागै छै
टूसा टूसी केॅ भले लोगोॅ रोॅ नजर लागै
ठुट्ठा गाछोॅ केॅ कहीं केकरो नजर लागै छै
धर्म तेॅ धर्म छेकै ओकरा की गाली देबोॅ
जादा मथला सें तेॅ ई दूधो जहर लागै छै
हुनकोॅ सुख सरंगो भरी लागै छै हुनका कुछ नै
हमरोॅ धरती भरी दुख कोबोॅ पसर लागै छै
आग दिल के नै बुझै आरो नै तेॅ लोरे सुखै
ई तेॅ सौंसे ही उमिर भर रोॅ सफर लागै छै
ओकरोॅ हाथोॅ में हमरा तीर थमाना छै अभी
ठीक धनुखे हेनोॅ कि जेकरोॅ कमर लागै छै
नै तेॅ दीवार नै टटिया नै खोॅर छपरी पर
डीहोॅ देखल्हे सें ई अमरेन के घर लागै छै
-5.6.92
