भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अयोध्याकाण्ड पद 26 से 35/पृष्ठ 10
Kavita Kosh से
(35)
रागगौरी
नीके कै मैं न बिलोकन पाए |
सखि यहि मग जुग पथिक मनोहर, बधु बिधु-बदनि समेत सिधाए ||
नयन सरोजस किसोर बयस बर, सीस जटा रचि मुकुट बनाए |
कटि मुनिबसन-तून, धनु-सर कर, स्यामल-गौर, सुभाय सोहाए ||
सुन्दर बदन बिसाल बाहु-उर, तनु-छबि कोटि मनोज लजाए |
चितवत मोहि लगी चौन्धी-सी, जानौं न, कौन, कहाँ तें धौं आए ||
मनु गयो सङ्ग, सोचबस लोचन मोचत बारि, कितौ समुझाए |
तुलसिदास लालसा दरसकी सोइ पुरवै, जेहि आनि देखाए ||
