भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अयोध्याकाण्ड पद 36 से 50/पृष्ठ 2
Kavita Kosh से
(37)
रागकेदारा
आली काहू तौ बूझौ न, पथिक कहाँ धौं सिधैहैं |
कहाँतें आए हैं, को हैं, कहा नाम स्याम-गोरे,
काज कै कुसल फिरि एहि मग ऐहैं ||
उठति बयस, मसि भीञ्जति, सलोने सुठि,
सोभा-देखवैया बिनु बित्त ही बिकैहैं |
हिये हेरि हरि लेत लोनी ललना समेत,
लोयननि लाहु देत जहाँ जहाँ जैहैं ||
राम-लषन-सिय-पन्थिकी कथा पृथुल,
प्रेम बिथकीं कहति सुमुखि सबै हैं |
तुलसी तिन्ह सरिस तेऊ भूरिभाग जेऊ
सुनि कै सुचित तेहि समै समैहैं ||
