भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अयोध्याकाण्ड पद 61 से 70/पृष्ठ 10
Kavita Kosh से
(70)
भरत भए ठाढ़े कर जोरि |
ह्वै न सकत सामुहें सकुचबस समुझि मातुकृत खोरि ||
फिरिहैं किधौं फिरन कहिहैं प्रभु कलपि कुटिलता मोरि |
हृदय सोच, जलभरे बिलोचन, नेह देह भै भोरि ||
बनबासी, पुरलोग, महामुनि किए हैं काठके-से कोरि |
दै दै श्रवन सुनिबेको जहँ तहँ रहे प्रेम मन बोरि ||
तुलसी राम-सुभाव सुमिरि, उर धरि धीरजहि बहोरि |
बोले बचन बिनीत उचित हित करुना-रसहि निचोरि ||
